Davvisámegiella – nordsamiska

Samisk slöjd: Lagda skoband av Reinie Fjällström.

Lagda skoband av Reinie Fjällström. Foto: Lena Kuoljok Lind

Ruovttoduoji birra

Ruovttoduodji, Ruoŧa Ruovttoduodjeservviid Riikkasearvi lea epmolaš organisašuvdna mii badjel čuohti jagi lea bargan giehtadahkkon duoji árvvu čalmmustahttimiin. Riikkasearvvis leat Ruovttoduodjesearvvit sihke guovlulaš ja báikkálaš dásis. Oktiibuot leat 14 000 olbmot miellahttun dain 90 servviin mat gávdnojit miehtá riikka.

Miellahttuvuohta Ruovttoduodjesearvvis lea gánnáhahtti. Searvvis máhtát gávnnadit earáin geat beroštit duojis ja duddjot ovttas singuin. Mii movttiidahttit guđet guimmiineamet ja bovdejit čeahpes duojáriid maid bokte mii oaččut eambbo dieđuid. Don máhtát searvat doaimmaide, muhto maiddái buktit oasát geavatlaš bargguid bokte searvvis. Beroškeahttá jus ieš háliidat duddjot dahje doarjut giehtadahkkon duoji don leat buresboahtin min lusa.

Ruovttoduoji doaimmat

Gursset ja čájáhusat

Gursiid, čájáhusaid, logaldallamiid ja eará doaimmaid bokte bargá Ruovttoduodji duoji ovddidemiin ja ahte dat lea vissis oassi kultuvrras ja ealáhusas. Ruovttoduojis gávdno máhttu luondduávdnasiid, nuppádasgeavaheamis ja nana reaidduid ráhkadeamis. Juohke jagi, čakčamánu vuosttaš basi, rahpá Ruovttoduodjesearvi uvssaidis ja vuolgá gáhtaide ja toarggaide Ruovttoduoji jándora ávvudit.

Lágádusat, áviissat ja čoakkáldagat

Ruovttoduodji almmuha áviissa Hemslöjd, Ruoŧa stuorimus áigečála duoji, giehtabarggu ja dáiddaduoji birra. Ruovttoduodji ordne Handmade Issues – konseapta ja fearána gos digaštallo duoji birra iežas eavttuid vuođul. Ruovttoduoji lágádus almmuha girjjiid main leat čiekŋaleabbo dieđut duojis ja giehtabarggu birra. Digitalt museas gávdnojit Ruovttoduoji čoakkáldagat mat leat oassi min kulturárbbis.

Stipeanddat ja oahpahus

Ruovttoduoji riikkasearvi hálddaša moanaid stipeandavuođđudusaid ja foanddaid mat juhket stipeanddaid. Ovttas Leksand gielddain lea Ruovttoduodji Sätergläntan hálddašeaddji – duoji ja giehtabarggu instituhtta. Sätergläntan lea oahpahusovttasteaddji ja gávnnadanbáiki duoji ja giehtabarggus.

Gesealla- ja meašttirbreava

Ruovttoduoji  lea branšaorgána giehtaduodjeámmáhiidda gođđima, hervema, muorraduoji ja bohtturáhkadeami. Dát buktá mielddis ahte mii dárkkistit geasealla- ja meašttirbreavaid ohcamušaid.

Ruovttoduodji ja Europa

Ruovttoduoji riikkasearvi lea miellahttu Davviriikkaid Ruovttoduodjesearvvis ja European Folk Art and Craft Federation. Duodjeorganisašuvnnat gávnnadit konfereanssain ja seminárain gos lonohallet jurdagiid ja movttiidahttet guđet guimmiidis.

Davviriikkaid Ruovttoduodjesearvvi miellahtut leat:

Loga eambbo European Folk Art and Craft Federation Facebook siidduin: www.facebook.com/EFACF/

Manne ruovttoduodji?

Odne oaidnit beroštumi stuorrut ruovttoduodjái ja giehtadahkkon duodjái. Dán áicá sosiála mediain go preassas, Tv- prográmmain ja digaštallamiin čalmmustahttet duoji vejolašvuođaid. Gávppiid fáladat báidno dujiid hámis ja minsttarmáilmmis. Dat mii dahká beroštumi ruovttuduodjái stuorisin lea dat vuđolaš ja viiddes máhttu dasa man láhkái máhttá ráhkadit dávviriid.

Kreativiteahtta ja bistevašvuohta

Boahtteáiggis, dalle go mii atnit integrerema, dásseárvvu, bistevašvuođa ja máŋggabealálašvuođa diehttelas oassin, dalle šaddá giehtadahkkon ja kreatiivvalaš duodji dehálaš oassi eambbo bistevaš servodagas. Ovttaskas olbmui dát mielddisbuktá ahte son máhttá ovddidit su kreatiiva jurdagiid praktihkalaš bargun, ja dat fas buktá vejolašvuođa sutnje váikkuhit su lagašbirrasii ja áigái mas son eallá. Dát gelbbolašvuohta addá iešjáhku ja buktá oasis oktavuođaid buolvvaid rasttildeaddji oktavuhtii ja ahte demokratiija čikŋo ja šaddá duohtan. Danne mii duođas jáhkkit ahte Ruovttoduodji máhttá leat oasálaš máilmmi gádjumis!

Man láhkái Ruovttoduodji máhttá leat ávkkálaš munnje

Miellahtuid ja ruovttoduodjeservviid fierpmádagain gávdno viiddes máhttu duddjomis ja giehtadahkkon bargguin. Don máhtát oažžut árvalusaid ja jurdagiid ja maiddái juogadit du iežat. Searvvit ordnejit gurssaid, gávnnademiid, čájáhusaid ja eará doaimmaid. Miellahttun don šattat oassi barggus goarjidit ja ovddidit duodjeteknihkaid ja máhtuid mat leat dehálaš oassi kulturárbbis.

Maid máhtán mon buktit Ruovttoduodjái?

Searvva 14 000 eará miellahtuide ja juogat du máhtu ja oahpa earáin, fierpmádaga bokte mas leat olbmot geain maiddái lea seammá beroštupmi duodjái, giehtabargguide ja giehtadahkamii. Beroškeahttá das jus don ruvdet goriid soahkeveattis, duddjot bessiin, hervet, gođát dahje jus háliidat oahppat vuollat bastte de leat buresboahtin šaddat miellahttu ruovttoduodjesearvái.

Ovttas mis lea máhttu giehtadahkkon duojis mii máhttá buktit oasis servodahkii mii lea eambbo bistevaš!